ఢిల్లీ హైకోర్టు న్యాయమూర్తి యశ్వంత్ వర్మ నివాసంలో జరిగిన అగ్నిప్రమాదం తర్వాత భారత కరెన్సీ నోట్ల “నాలుగు నుండి ఐదు సగం కాలిన బస్తాలు” కనుగొనబడిన ఘటనపై దర్యాప్తు చేయడానికి భారత ప్రధాన న్యాయమూర్తి సంజీవ్ ఖన్నా ముగ్గురు సభ్యుల ప్యానెల్ను ఏర్పాటు చేయడంతో, అంతర్గత ప్రక్రియ కీలకమైన కీలక దశకు చేరుకుంది.మార్చి 14న ఢిల్లీలోని లూటియన్స్ ప్రాంతంలోని జస్టిస్ వర్మ అధికారిక నివాసంలోని స్టోర్రూమ్లో జరిగిన అగ్నిప్రమాదం అగ్నిమాపక సిబ్బంది , పోలీసు సిబ్బందికి భారీగా నగదు బయటపడింది.
దీంతో న్యాయమూర్తి యశ్వంత్ వర్మపై విచారణకు ఆదేశించారు. ఈ ఆరోపణలపై లోతైన దర్యాప్తు కోసం CJI ముగ్గురు సభ్యుల ప్యానెల్ను ఏర్పాటు చేశారు. CJI ఏర్పాటు చేసిన ముగ్గురు సభ్యుల విచారణ కమిటీలో జస్టిస్లు షీల్ నాగు (పంజాబ్ , హర్యానా హైకోర్టు ప్రధాన న్యాయమూర్తి), G S సంధవాలియా (హిమాచల్ ప్రదేశ్ హైకోర్టు ప్రధాన న్యాయమూర్తి) కర్ణాటక హైకోర్టు న్యాయమూర్తి అను శివరామన్ ఉన్నారు.అయితే, దర్యాప్తును ముగించడానికి విచారణ కమిటీకి ఎటువంటి సమయాన్ని కేటాయించలేదు.
తాజాగా ఈ కేసులో కీలక విషయాలను నివేదిక రూపంలో సమర్పించారు. సుప్రీంకోర్టు వెబ్సైట్లో అప్లోడ్ చేయబడిన జస్టిస్ ఉపాధ్యాయ 25 పేజీల విచారణ నివేదికలో మార్చి 14న జస్టిస్ వర్మ నివాసంలోని స్టోర్రూమ్లో జరిగిన అగ్నిప్రమాదం తర్వాత, కరెన్సీ నోట్లతో కూడిన నాలుగు నుండి ఐదు సగం కాలిపోయిన బస్తాలు దొరికాయని .. ప్రాథమికంగా, షార్ట్ సర్క్యూట్ వల్ల మంటలు చెలరేగాయని నివేదిక పేర్కొంది.ఢిల్లీ పోలీస్ కమిషనర్ సంజయ్ అరోరా, జస్టిస్ ఉపాధ్యాయతో కలిసి షేర్ చేసిన ఈ వీడియోలో కాలిపోయిన నగదు, అగ్నిమాపక సిబ్బంది మంటలను ఆర్పుతున్న దృశ్యాలు స్పష్టంగా కనిపిస్తున్నాయి. అయితే తనపై వస్తోన్న ఆరోపణలపై జస్టిస్ వర్మ ఖండిస్తున్నారు. తాను లేదా తన కుటుంబ సభ్యులు ఎవరూ స్టోర్ రూమ్లో ఎటువంటి నగదును ఉంచలేదని అన్నారు.